ᕿᑭᖅᑕᓂ ᓱᓕᔪᓂᒃ ᑭᒡᓕᓯᓂᐊᖅᑏᑦ ᑲᒥᓯᓇᐃᑦ

ᕿᑭᖅᑕᓂ ᓱᓕᔪᓂᒃ ᑭᒡᓕᓯᓂᐊᖅᑎᑦ ᑲᒥᓯᓇᐃᑦ ᓴᕿᑎᑕᐅᓚᐅᖅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (ᕿᑭᖅᑕᓂᒃᑯᓐᓄᑦ) ᐊᒃᑐᐱᕆ 2007−ᒥ. ᕿᑭᖅᑕᓂᒃᑯᑦ ᐊᐅᓚᑦᑎᔨᐅᖕᒪᑕ ᓄᓇᓂᒃ ᐊᓯᖏᓂᒡᓗ ᐃᓄᖕᓄᑦ ᐱᖁᑎᒋᔭᐅᔪᓂᒃ ᐃᓚᐅᕝᕕᒋᔭᕆᐊᖃᖅᑕᖏᓐᓂᓗ ᕿᑭᖅᓘᖕᒥ, ᖁᑦᑎᒃᑐᕐᒥᐅᓂ, ᐊᒻᒪᓗ ᓴᓂᑭᓗᐊᑉ ᕿᑭᖅᑕᖁᑎᖏᓐᓂ. ᓴᕿᑎᑦᑎᓚᐅᖅᓯᒪᕗᖅ ᑭᒡᓕᓯᓂᐊᖅᑎᑦ ᑲᒥᓯᓇᒃᑯᖏᓐᓂᒃ ᖃᐅᔨᓴᖁᓪᓗᒋᑦ ᓱᓕᔫᓂᖏᓐᓂᒃ, ᐊᐱᖅᓱᖁᔭᐅᓪᓗᑎᒃ ᖃᐅᔨᓚᐅᖅᑐᓂᒃ, ᐃᓄᓕᒫᓂᒃ ᑲᑎᒪᑎᑦᑎᓗᑎᒃ ᓈᓚᒋᐊᖅᑐᕐᕕᖃᕐᓂᕐᒥᒃ, ᐊᒻᒪᓗ ᐅᓂᒃᑳᓕᐅᖁᔭᐅᓪᓗᑎᒃ ᑲᑎᒪᔨᓄᑦ ᕿᑭᖅᑕᓂᒃᑯᓐᓂ, ᐊᒻᒪᓗ ᐃᓄᓕᒫᓄᑦ, ᓱᓕᔪᓂᒃ ᖃᓄᐃᓕᐅᓚᐅᕐᓂᖏᓐᓂᒃ ᐸᓯᔭᐅᓯᒪᔪᓂᒃ ᕿᒻᒦᑦ ᑐᖁᕋᖅᑕᐅᓯᒪᓂᕋᖅᑕᐅᓂᖏᓐᓂᒃ, ᓄᒃᑎᖅᑎᖅᑕᐅᔪᕕᓂᐅᓂᖏᓐᓂᒃ, ᐊᓯᖏᓐᓂᓗ ᐃᓱᒪᓕᐊᕆᔭᐅᓚᐅᖅᓯᒪᔪᓂᒃ ᒐᕙᒪᒃᑯᓐᓄᑦ, ᑎᑭᓪᓗᒋᑦ 1980−ᖏᓐᓄᑦ, ᐊᒻᒪᓗ ᐃᓱᒪᒃᓴᖅᓯᐅᕈᑕᐅᖁᓪᓗᒋᑦ ᐊᒃᑐᖅᑕᐅᓯᒪᓂᖏᑦ ᐃᓱᒪᓕᐊᖑᓯᒪᔪᕕᓂᐅᔪᓄᑦ ᐃᓄᐃᑦ, ᐃᓕᖅᑯᓯᖏᑦ, ᐃᓅᓯᓕᐅᕈᑎᒃᓴᕆᔪᓐᓇᖅᑕᖏᑦ ᐊᒻᒪᓗ ᐃᓅᓯᖃᕐᓂᕆᕙᓚᐅᖅᑕᖏᑦ.

ᑐᕌᒐᖃᓪᓗᐊᕐᒪᑕ ᑭᒡᓕᓯᓂᐊᖅᑎᑦ ᑲᒥᓯᓇᑯᖏᑦ ᐅᔾᔨᖅᑐᑦᑎᐊᕐᓂᕐᒥᒃ ᑕᒻᒪᖅᑕᖅᓯᒪᖏᑦᑐᓂᒃ ᐱᕙᓪᓕᐊᔪᕕᓂᕐᓂᒃ ᖃᐅᔨᒪᔭᐅᑎᑦᑎᓂᖅ, ᐃᖃᐅᒪᔪᒪᓂᖅ ᐅᖃᐅᓯᐅᓯᒪᔪᓂᒃ ᖁᓛᓂ. ᓂᕈᑐᓂᖅᓴᒃᑯᑦ ᓱᓕᔪᑦ ᐋᖀᖃᑎᒌᖕᓂᐅᓇᔭᖅᑐᓪᓗ ᐊᑐᓕᕋᔭᖅᑐᑦ ᐱᔾᔪᑕᐅᔪᑦ ᒪᒥᓴᖁᔨᓂᕐᒥᒃ ᑕᐃᒃᑯᓐᓇᓂ ᐱᓂᕐᓗᒃᑕᐅᓯᒪᔪᓂ, ᐊᒻᒪᓗ ᒪᒥᑦᑐᓐᓇᖁᓪᓗᒋᑦ ᐃᓚᒌᒎᓐᓇᕐᓂᖏᑦ ᐃᓄᐃᑦ ᒐᕙᒪᒃᑯᓪᓗ ᐱᕕᒃᓴᖃᖅᑎᑕᐅᓗᑎᒃ ᒪᑐᐃᖓᔭᐅᓕᕐᓂᖏᓐᓂ ᑕᒪᕐᒥᒃ ᐃᓚᒋᔭᐅᔪᑦ ᓱᓕᔪᑦ ᐊᒻᒪᓗ ᐱᕕᒃᓴᖃᖅᑎᑕᐅᓗᑎᒃ ᐃᓕᑕᕆᔭᐅᓯᒪᓂᖏᓐᓂᒃ ᐊᒻᒪᓗ ᐃᓱᒪᒋᔭᐅᔪᓐᓃᕐᕕᐅᔪᓐᓇᕐᓂᖏᓐᓂᒃ.

ᓄᓇᓕᖕᓂ ᓈᓚᒋᐊᖅᑐᖅᓯᒪᓚᐅᖅᑐᑦ ᐅᑯᓇᓂ ᐊᑖᓂ ᑎᑎᕋᖅᓯᒪᔪᓂᒃ ᕿᑭᖅᑕᓂ ᓄᓇᓕᖕᓂ:

ᐃᒃᐱᐊᕐᔪᒃ (ᐄᐳ 21 – 24, 2008)

ᑭᓐᖓᐃᑦ (ᔭᓄᐊᕆ 29 – ᕕᕗᐊᕆ 1, 2008)

ᑲᖏᖅᑐᒑᐱᒃ (ᐅᒃᑐᐱᕆ 7 – 10, 2008)

ᐊᐅᓱᑦᑐᖅ (ᐄᐳ 17 – 18, 2008)

ᓴᓂᕋᔭᒃ (ᓯᑎᐱᕆ 9 – 10, 2008)

ᐃᒡᓗᓕᒃ (ᓯᑎᐱᕆ 11 – 13, 2008)

ᐃᖃᓗᐃᑦ (ᔪᓐ 17 – 19, 2008)

ᑭᒻᒥᕈᑦ (ᔭᓄᐊᕆ 22 – 24, 2008) (ᓯᑎᐱᕆ 15 – 16, 2008)

ᐊᑐᕙ (ᓄᕕᐱᕆ 25 – 28, 2008)

ᐸᓐᓂᖅᑐᖅ (ᒪᐃ 13 – 16, 2008)

ᒥᑦᑎᒪᑕᓕᖕᒥ (ᑎᓯᐱᕆ 9 – 11, 2008)

ᕿᑭᖅᑕᕐᔪᐊᖅ (ᓯᑎᐱᕆ 30 - ᐅᒃᑐᐱᕆ 2, 2008)

ᖃᐅᓱᐃᑦᑐᖅ (ᐃᐳ 14 - 16, 2008

ᓴᓂᑭᓗᐊᖅ (ᒪᔾᔨ 4 - 6, 2008) (ᔭᓄᐊᕆ 20-22, 2009)