|
ᑐᙵᓱᒋᑦ ᐱᓇᓱᐊᕈᑏᑦ ᒪᑉᐱᒐᖓᓅᕋᕕᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᑐᑭᓯᒋᐊᕈᑎᖃᕐᕕᖓᓂ.
ᑭᓪᓕᓯᓂᐊᖅᑏᑦ ᑐᑭᓯᔪᑦ ᐱᒻᒪᕆᐅᓂᖓᓂᒃ ᐊᑑᑎᖃᕐᓂᖏᓐᓂᒃ ᑐᑭᓯᐅᒪᔾᔪᑎᔅᓴᐃᑦ ᐊᒻᒪᓗ ᑕᑯᔭᐅᒍᓐᓇᕐᓂᖏᑦ, ᐱᓗᐊᖅᑐᒥᒃ ᑕᐃᒃᑯᓄᖓ ᐱᓕᕆᔪᓐᓇᓗᐊᙱᑦᑐᓄᑦ ᓇᒻᒥᓂᖅ ᖃᐅᔨᒋᐊᕐᓂᕐᒧᑦ ᑕᒪᑐᒥᖓ. ᑭᓪᓕᓯᓂᐊᖅᑏᑦ ᖁᔭᓕᔪᑦ ᐱᓕᕆᐊᖏᑦ ᑕᒪᕐᒥᐸᓗᒃ ᑐᑭᓕᐅᕆᓂᐅᖃᑦᑕᕐᖓᑕ ᑐᑭᓯᐅᒪᔾᔪᑎᔅᓴᖏᓐᓂᒃ. ᐱᓕᕆᐊᖑᓗᐊᖅᐸᑦᑐᓂᒃ ᐊᑐᐃᓐᓇᐅᑎᑦᑎᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑎᑦᑎᕙᒻᒪᑦ ᑐᑭᓯᓇᑦᑎᐊᖅᑐᒥᒃ ᓵᙵᔭᐅᔪᓐᓇᕐᓂᖏᓐᓂᓪᓗ ᐱᔾᔪᑎᒋᓪᓗᒋᑦ ᖃᓄᖅ ᑐᑭᓯᐅᒪᔾᔪᑎᔅᓴᐃᑦ ᐊᑐᖅᑕᐅᓯᒪᒻᒪᖔᑕ, ᑐᑭᓯᔭᐅᓯᒪᒻᒪᖔᑕ ᑲᒪᒋᔭᐅᖃᑦᑕᕐᒪᖔᑕᓗ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᒃ.
ᑕᕝᕙᓂ ᒪᑉᐱᒐᕐᒥ, ᑕᑯᔪᓐᓇᓂᐊᖅᑐᑎᑦ ᑎᑎᖅᑲᓄᑦ ᑐᖅᑲᑕᕐᕕᒻᒥᒃ ᑎᑎᖅᑲᑐᖃᕐᓂᒃ ᐊᒻᒪᓗ ᐅᖃᐅᓯᒃᑯᑦ ᑕᐃᔅᓱᒪᓂ ᐊᑐᖃᑦᑕᕐᓯᒪᔭᖏᓐᓂᒃ ᑐᑭᓯᐅᒪᔾᔪᑎᔅᓴᓂᒃ ᓄᐊᑕᐅᓯᒪᔪᓂᒃ ᕿᑭᖅᑕᓂ ᓱᓕᔪᙵᒃ ᑭᓪᓕᓯᓂᐊᖅᑎᓂᒃ. ᑐᖅᑲᑕᕐᕕᒃ ᐊᑐᐃᓐᓇᐅᑎᑕᐅᓛᖅᑐᖅ ᑭᓪᓕᓯᓂᐊᖅᑏᑦ ᐱᔭᕇᕐᓯᓯᒪᓕᖅᑲᑕ ᖃᐅᔨᓴᕐᓂᕐᒥᒃ, ᐊᒻᒪᓗ ᐱᖃᓯᐅᔾᔨᓗᑎᒃ ᑕᒪᒃᑯᓂᖓ ᓂᐱᓕᐅᕐᓯᒪᔪᓂᒃ, ᑕᕐᕆᔮᔅᓴᓂᒃ ᑎᑎᕋᕐᓯᒪᔪᓂᓪᓗ ᐃᓄᑦᑎᑐᑦ ᖃᓪᓗᓈᑎᑐᓪᓗ. ᑐᑭᓯᐅᒪᔾᔪᑎᔅᓴᓂᒃ ᐊᑐᐃᓐᓇᐅᑎᑦᑎᓗᑎᒃ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᓂᕆᐅᑉᐳᑦ ᐅᖃᓕᒫᖅᑏᑦ ᓇᒻᒥᓂᖅ ᐱᔭᕇᕈᑎᖃᕐᓂᐊᕐᓂᖏᓐᓂᒃ.
ᑐᑭᓯᓂᐊᕐᕕᒃᓴᓂᒃ ᑐᖅᑯᖅᓯᓯᒪᕝᕕᒃ ᐊᑐᐃᓐᓇᐅᓂᐊᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (QIA−ᑯᓐᓄᑦ) ᐅᐱᕐᖔᕐᒥ 2010. ᓴᓇᔭᐅᕙᓪᓕᐊᔪᑦ ᖃᕆᑕᐅᔭᒃᑯᑦ ᑕᑯᔭᒃᓴᐃᑦ ᓱᓕ ᐱᓕᕆᐊᖑᕙᓪᓕᐊᔪᑦ. |
